"Тәуелсіз елім – Қазақстан" тәрбие сағаты

Тақырыбы:Тәуелсіз  елім – Қазақстан   

Мақсаты: Оқушыларды Қазақстан Республикасы өз алдына дербес ел болуына 31 жыл толуымен таныстыру, тамыры терең тарихын еске түсіру. Оқушылардың білім деңгейін топтық жұмыс барысында арттыру арқылы өз еліне, жеріне деген сүйіспеншіліктерін таныта білуге үйрету. Оқушылардың тілін, ой-өрістерін, дұрыс сөйлеу дағдыларын, қабілеттерін дамыта отырып, шығармашылыққа баулу.Отанын сүюге, мақтаныш етуге, еліміздің нағыз азаматы бола білуге, ұйымшылдыққа,

сүйіспеншілікке тәрбиелеу.

Көрнекілігі: «Қазақстан» суреттер, слайд, видеофильм, сызбалар, түсті қағаздар.

  Сабақтың барысы.

Мұғалім:

Шайқалмасын ешкімнің шаңырағы,

Бақыт көрсін Отанның сан ұланы.

Енді ағайын, көгінде қалықтасын,

Қазағымның қастерлі - Әнұраны!

Әнұран орындалады.

II.Кіріспе бөлім

Сұрақтар:

1.Отанымыз қалай аталады? / Қазақстан /

2. Қазақ елі қандай мемлекет? / тәуелсіз /

3.Тәуелсіздікті қашан алды?  / 1991 жыл /

4. Мемлекеттік  тіліміз қай тіл? / қазақ тілі /

5. 16-желтоқсан қандай күн?

Мәди:

Он алтыншы желтоқсан —
Тәуелсіздік алған күн.
Мерекеге ел тосқан
Атамменен барғанмын.

Әдемі:

Мерекеге шығады
Бүкіл халық, біліп қой.
Отандастар ұғады
Тәуелсіздік — ұлық той.

Лунара:

Аралаймын алаңды
Тәуелсіздік күні мен.
Батыр Қайрат ағамның
Суретіне үңілем.

Жұлдыз:

Он алтыншы желтоқсан
Тәуелсіздік алған күн.
Мерекеге ел тосқан
Шырқатып ән салған күн.

- Өлеңде не туралы айтылған?  - Тәуелсіздік дегенді қалай түсінесіңдер?

Тәуелсіздік 11 әріптен құралған,                                                                                                

Сан ғасырлар бар қазаққа боп арман .                                                                                        

Талай дара, даналардың көз жасы,                                                                             

Қаныменен атты таң боп бізге алдан.                                                                    

Тәуелсіздік - қасиетті ұғым бұл,                                                                                                                 

Ей, келешек, жан - тәніңмен үғып біл.                                                                                                      

Он бір  әріп не мағына береді,                                                                                                     

Ал талдайық жеткенінше қызыл тіл.                                                                                 

Т - білдіреді теңдейді.                                                                                                                                

Ә - әдептілік ерлікті.                                                                                                                                   

У - уайымсыз, уақытты.                                                                                                                                

Е - егеменді, елдікті.                                                                                                                                       

Л - дейді лағып, лепірме.                                                                                                              

С - сенімділік , секілді ең.                                                                                                                          

І -  ілтипат пен ізет қой.                                                                                                                               

 З - зиялылық  тілек қой.                                                                                                                     

Д - шақырады  достыққа.                                                                                                                      

І   -ілкімді  бол сақтыққа.                                                                                                                        

К - дейді  күн боп  көктегі.                                                                                                                       

Т ә у е л с і з д і к  к е – 31 ж ы л   

Тәуелсіздік-баға жетпес бағымыз,                                                            

Қымбаттанда ең қымбатты барымыз.                                                                                   

Тәуелсіздік - білектегі әліміз,                                                                                                

Тәуелсіздік - жүректегі әніміз. 

Тәуелсіздік - топтастыру. 

1991жылдың желтоқсан айының 16 күні қазақ елі шынайы тәуелсіздік алды. Биыл міне 31 жыл толып отыр. Тәуелсіздік бұл басымызға қонған бақ, бақыт. Осы атаулы күнге арналған «Тәуелсіз елім - Қазақстан» атты тәрбие сағатымызды бастаймыз.

 ҚР-ның тәуелсіздік алған мерекесі құтты болсын! Еліміздің егемендік алуы, халқымыздың тарихында жаңа дәуірдің бетін ашты, бүкіл өмірімізге жаңа леп, серпін ала келді.

Тәуелсіздік, еркіндік - ежелден елдің тілегі.  Тәуелсздік халқымыздың бостандығы мен дербес даму жолындағы  ғасырлық күресі. Тарих беттерін парақтасақ, қазақ халқы өзінің «Тәуелсіз ел» атануы үшін ұзақ, талай қанды қырғынды, зорлық-зомбылықтарды көрді, қасірет шекті.

Видео тамашалау

Тәуелсіздік туын ең алғаш  көтерген  әйгілі 1986-жылдың 16-желтоқсаны еді. 1986 жылы желтоқсан көтерілісіне жастар ешбір жаман оймен барған жоқ. Олар бейбіт жолмен тәуелсіздікке қол жеткізу үшін қатысты.  Алматы қаласында болған жастар көтерілісі  халық жүрегінде мәңгі сақталады. Өмір-өзен толқындары бізді әйгілі 16-желтоқсан оқиғасынан  уақыт өткен сайын алыстатып әкетіп бара жатса да жүректерімізде дүниені дүр сілкіндірген сол үш күн ішінде қазақ қыздары мен жігіттерінің рухына, ерлігіне  деген  тағзым,  құрмет ... .

Бүгінгі біздің дербес ел болып, уығымызды қадап, шаңырағымызды көтеріп, ерікті еркін мемлекетімізді құрып, Қазақстан Республикасы атанып, көк байрақ туымызды желбіретіп әлемге әйгілі болуымыздың өзі – осы тәуелсіздікке қол жеткізуіміздің арқасы. Олай болса тәуелсіздігімге шаң жұқтырмай оны ең қымбат бұйымымыздай етіп, құрметтеп келер ұрпаққа аманаттап тапсыруға тиіспіз, оны ішкі - сыртқы дұшпандардан сақтауға міндеттіміз. Сонда ғана Тәуелсіздігіміз мәңгілікке мирас болмақ.

Құтты болсын Тәуелсіздік мейрамы!                                                                                                    

Ол әркімге еркін өмір сыйлады..                                                                                                 

Білімділер алға шығып елімде,                                                                                                       

Жақсы атақпен ңұр шапағын жинады.                                                                                     

Тәуелсіздік -бабалардың ұраны,                                                                                                         Бейуақытта бойға таққан тұмары.                                                                                                

Тәуелсіздік -түнектерде тұншығып,                                                                                                      

Ызғар ұрып жанбай қалған шырағы

Тәуелсіз боп артты халқым сенімі,                                                                                      

Мұз боп қатқан қайғы-мұңым еріді.                                                                                                    

Ақ шыңдары тауларымның биіктеп,                                                                                                

Кең тыныстап ұлы далам кеңіді.                                                                                      

Тауымыз  бар таңырқатқан шынымен.                                                                                              

Ұл-қызым бар,даламыз бар ұлы кең.                                                                                       

Алдарыңда басымды иіп, өр халқым,                                                                                 

Құттықтаймын тәуелсіздік күңімен!

1991 жыл Тәуелсіздік алған жыл.

Өзіңдікі туың да, отпен ауа, суың да,

Жаса, Қазақстаным! Белді бекем буын да.

Ұраның да жасасын! Құраның да жасасын.

Қанатың қайрылып, қыр арқаңнан майрылып

Егемен тәуелсіздіктен, қала көрме айрылып

Егемендіктің арқасында дүние жүзіне танымал ел болдық. Тәуелсіздіктің белгісі неде? (Рәміздеріміз, мемлекеттік тіліміз, ұлттық валютамыз бар). 

Қазақстанның мемлекеттік  рәміздерін  атау. Еліміздің өзіне тән Туы, Елтаңбасы, Гимні  бар.

Гимннің авторлары кім?

Оқушы:

Гимннің  авторлары:  Ш.Қалдаяқов, Ж.Нәжмединов, Н.Назарбаев

Тудың  авторы кім?

Оқушы:

Қазақстан Республикасының Мемлекеттік туы көгілдір түсті. Онда алтын күн бейнесі шарықтай ұшқан дала қыраны және ұлттық ою-өрнек нақышталған тік жолақ бар.

Тудың көгілдір түсі – бұлтсыз ашық аспан, бейбітшілік белгісі. Күннің нұр шұғыласы – байлық пен берекенің, тыныштық пен жылылықтың белгісі.

Қыран бүркіт – Тәуелсіздік белгісі. Өрнек – салт дәстүріміздің белгісі.

Мемлекеттік тудың авторы Шәкен Ниязбеков.

Елтаңбаның авторлары кім?

Оқушы:

Қазақстан Республикасының Елтаңбасының бастысы – шаңырақ. Шаңырақ – киіз үйдің күмбезі.  Ол күн бейнесін ал уықтар одан тарап жатқан алтын сәулелері. Қазақта «Ат – адмның қанаты» деген мақал бар. Елтаңбадағы тұлпар бейнесі дала пырағы оның шапшаңдығы ер жігітті тәуелсіздікке жетелейді. Бес бұрышты жұлдызы - әр адамның өміріне бағдар беретін өз жұлдызы сияқты. Күн мен айды, жұлдызды кие тұтатын халқымыз «Жұлдызың жарқырай берсін» деген асыл арманын айтып тұрғандай. Авторлары: Жандарбек Мәлібеков, Шота Уәлиханов

Балалар бір сергіп алайық.

 -  Мақал-мәтелдерді толықтырып жазу

1. Халықтың ортақ үйі ...  ( Отаны )

2. Отан - ....      ыстық       ( оттан да )

3. Туған жердің  ......      ыстық,   .....   ыстық  (күні де, түні де )

4. Отансыз адам - .....   ( ормансыз бұлбұл )       

5. Өзге тілдің бәрін біл, .....  ( өз тіліңді құрметте )

6. Өз елім - ... ( өлең төсегім )

7. Туған жердің жері  де  ..... , елі де     .... ( көрікті, сүйікті )

8. Найзасыз   .....   болмайды,  таңбасыз   .... болмайды. ( ел,  ер )

Өлеңді  тиісті  сөздермен  толықтырып жазады.

Мен  оның  ............... сүйем, күнін сүйем,

Ағынды  ..............., асқар тау,  ...................  сүйем.

Мен  оның  .............................. тілін сүйем,

Мен  оның  .............................. үнін  сүйем.

Бар  ....................  сүйемін  қыбырлаған,

Бәрі  маған  ......................... – деп сыбырлаған.

Тиісті сөздер: қасиетті,  түнін,  Отан,  құдіретті,  жәндігін, өзен,  гүлін.

- Біздің еліміз-бай, әрі қуатты ел. Барлық халық, ұлт еркін өмір сүреді. Әркім еңбек етуге, білім алуға, дем алуға ерікті. Қазақстан Республикасының Конституциясы Қазақстанды өз Отаным деп есептейтін барлық азаматтарды ұлтына, нәсіліне, тұрған жеріне, қызметіне, байлығына, жынысына, діни нанымдарына қарамастан, заң алдында тек субъекті ретінде қарастырады және тең дәрежеде қорғайды, азаматтық құқықтарына нұқсан келтірмейді.

Төбем көкке жетпей қалды бір елі,                                                                                                          

Енді міне бүкіл әлем біледі.                                                                                                                                   Қазақ деген жомарт халық едік қой,                                                                                                     

Аузын ашса көрінетін жүрегі.                                                                  

Ынтымақ бар ел бірлігі жарасқан,                                                                                                             

Бізге қарап жол түзейді адасқан.                                                                                                           

Барлық ұлтты туыс-бауыр көреміз,                                                                                               Ешқайсысын бөліп жатырқамастан.                                                              

Қалықтасын көгімізде қыран құс,                                                                                                      

Ерлігіміз болсын елге жыр-аңыз.                                                                                                                   Ата- бабам армандаған сан ғасыр,                                                                                                     Тәуелсіздікке тәубе, тәубе, мың алғыс!                                                        

Татулықты ұран қылып күнде біз,                                                                                               

Берекемен бірге болды іргеміз.                                                                                                   

Халқымызды күллі әлемге танытқан,                                                                                           

Ерлерменен қашандағы біргеміз!!!                                                                                                    

Ашық болсын қазағымның аспаны,                                                                                               

Биіктесін  мәртебесі - асқары.                                                                                                                 

Көк байрағы мәңгі тулап көгінде,                                                                                                      

Ел намысын қорғап жүрсін жастары!

Мұғалім:

- Ең алғаш Тәуелсіздікті алған жылы еліміз де мына тал секілді жер қойнауынан басқа  Тәуелсіздікті білдіретін ешқандай нышанымыз да, заңымыз да жоқ еді. Ата-бабамыздың сан ғасырлық  арманына қол жеткізген тәуелсіздік жылдары қандай өзгерістер болғанын айтып өтейік.

1991 – Тәуелсіздік алған жыл.

1991 жылы 29 тамызда Семей полигоны жабылды.

1991жылы 2 қазанда   тұңғыш қазақ ғарышкері Т.Әубәкіров ғарышқа ұшты.

1992 – ҚР – ның мемлекеттік рәміздер бекітілген жыл.

1993 – Ұлттық теңге шыққан жыл.

1995 жылдың 30 тамызда Конституция қабылданды.

6. 07 – Астана күні.

7. 05 – Отан қорғаушылар күні

1.05 –ҚР – ның халықтарының  бірлігі күні.

30.08 – Конституция күні

25.10 – Республика күні

16.12 – Тәуелсіздік күні

2000 жыл «Мәдениетті қолдау жылы» деп аталды.

2003-2005 жылдары «Ауыл жылы» деп жарияланды                              

2021 жыл  Тәуелсіздікке 30 жыл

2022 – Балалар жылы

Мұғалім: Міне балалар талымыз бастапқыдай емес  жайқалып шыға келді . Бұл тал секілді біздің елімізде көркейіп , сұлуланып , дамып келе жатыр.

  Қ.Аманжолов "Туған жер"                              

Шықшы тауға,қарашы кең далаға,                                                                                                        

Мәз боласың,ұқсайсың жас балаға.                                                                                                        

О, шеті мен бұ шетіне жүгірсең,                                                                                                      Шаршайсың ба,құмарың бір қана ма?                                                            

Уа,дариға,алтын бесік туған жер,                                                                                                      

Қадіріңді келсем білмей кеше гөр!                                                                                                      

Жаза алмас ем топырағыңды тебіренбей,                                                                                                          Ақын болмай, тасың болсам мен егер.                                         

Неткен байтақ, неткен ұлы жер едің!                                                                                                          Нендей күйге жүрегімді бөледің?                                                                                                                Сенде тудым,сенде өстім мен,сенде өлсем,                                                                                           Арманым жоқ бұл дүниеде дер едім.                                                                    

Мен өзіңдей байтақ едім,кең едім,                                                                                                                    Қызығыңды көріп еркін келемін.                                                                                                              

Сен де аямай бердің маған барыңды,                                                                                                        

Мен де аямай барым саған беремін.

Қорытынды:   Тәуелсіздік күні - Қазақ елінің тарихындағы ең атаулы күн, қазақ халқының сан ғасырлық арманының орындалған күні. Егемендік алғаннан бері Қазақстан өзін әлемге  әйгілі еді, бейбітшілікте өмір сүретін мемлекет ретінде танытты. Осы Тәуелсіздікті тұғырында нық ұстау үшін сапалы білім мен тәрбие керек.  Қазақстанның Тәуелсіздігі баянды болсын! деп бүгінгі "Тәуелсіз елім - Қазақстаным " атты тәрбие сағатымыз аяқтаймыз.  Келгендеріңізге р а х м е т !!!

Ән: «Тәуелсіз елдің ұраны»